السلام عليكم


طبعا هذا عنوان وفي نفس الوقت سؤال :)


انا بكتب لكم شنو تعلمنا فيه الي طبقناه وفيه الي تناسيناه


مو كل شي تقدر تقوله ولا كل شي تقدر تصدقه مثل مافيه ناس تصدق فيه ناس تجذب لا يكون حكمك على الناس سطحي من الشكل او الاسلوب كثير الي يتقنون فن الكلام وقليل الي يعرفون قيمه شنو يقولون ...


يعني كلمات نقولها على شان نفيد الغير لان مصلحه الشخص بضر غيره اكبر خطا

اخليكم مع الموضوع وشكلي كثره عليكم المواضيع اليوم اتمنى تسمحون لي

انا تعلمت



تعلمت ان اللي يسكت عن حقه ينداس

تعلمت ان الدنيا ماتسوى بيزه حليه

تعلمت ان اللي مافيه خير باهله مافيه خير بالناس

تعلمت ان الحياة ممكن تنتهي باي لحظه و احنا على غفله

تعلمت اقول الحمدالله على الصحه و العافيه

تعلمت اسوي خير و ما انطر مقابل عشان ما انصدم

تعلمت ان الكلمه الحلوه و النفس الطيبه راس مال الطيب

تعلمت ان اغنى انسان بالعالم اللي يملك الصحه و راحت البال

تعلمت ان الحســـافه بالعمر اذا ضاع بدون فايده

تعلمت ان "من يزرع الثوم لا يجنيه ريحانا

تعلمت ان تالي العمر موت

تعلمت ان شر البليه ما يضحك والله

تعلمت الفلوس اتغير النفوس

تعلمت ان العمر ايخلص و الشغل مايخلص

تعلمت ان الصادق قوي ولو كثروا حساده وتعلمت ان الصدق منجاه ولو قلوا الي معاك


تعلمت ان اذا تبي الناس تسمعك لازم تسمعهم اول

تعلمت ان الطيب طايح حظه و ال خلوها على الله

تعلمت ان مو كل الناس على نياتها

تعلمت ان تعلمناه بالمدرسه شي و الواقع شي ثاني

تعلمت ان وايد ناس حق شغلهم يصيرون ذربيين و اذا خلصت مصلحتهم مايعرفونك ..في مجال الشغل

تعلمت ان السفر يبين لك معادن الناس

تعلمت ان الواحد يشتري اكثر مايبيع يعني يسمع اكثر مايتكلم

تعلمت اشوف مصايب الناس و اقول الحمدالله على كل حال


تعلمت يكفي ماتعلمت و تألمت مافيه الكفايه

نسيت اكتب شي .......


كثير منا قرا بس القليل الي طبقوا من الي قروه وفهموا


انك تقرا كل الناس تقرا بس انك تعرف شنو الهدف من الموضوع اتوقع قليل الي عرفوا

بجد القراءه فن ولذه للي يعرفها وعاشها كل يوم تكتشف معلومه شي يخليك تعرف قيمه الحياه اكثر وتحس اكثر في الي من حولك يكون عندك قدره على معرفه الاشياء من حولك يعني اشياء كثيره صعب عدها :)

تعلمت انه لما تضحك يضحك الجميع معك وعندما تبكي تبكي لوحدك.

تعلمت انه الصديق الحقيقي سراب ولا نجده الا في الدار الاخره..

تعلمت انه مجرد ان تحدث نفسك بسرك اصبح من اهم اخبار المجتمع.

تعلمت ان الطبيه في نظر الاخرين غباء وسجاذه.

يـعـطيك العافيه وماتقصر يالغالي دبلوماسي وننتظر جديدك

ريحانه تسلمين على المتابعه والقراءه

وعلى الي التكمله الجميله الي ضفتها :)


هلا وغلا

تسلم على المشاركه والحضور والمتابعه

تعلمت ان الكلمه الحلوه و النفس الطيبه راس مال الطيب
تعلمت ان الصادق قوي ولو كثروا حساده وتعلمت ان الصدق منجاه ولو قلوا الي معاك
تعلمت ان الطبيه في نظر الاخرين غباء وسجاذه.
تعلمت يكفي ماتعلمت و تألمت مافيه الكفايه.

مشكور اخوي الدبلوماسي على الكلام الرائع

هلا الرحيل ولا اقول رحيل

تدرين انا تعمدت اناديج في الرحيل مادري حسيته احلى :)


شكرا على المتابعه والقراءه والحضور الجميل

انا تعلمت

تعلمت ان اللي يسكت عن حقه ينداس ..

كلامــكــ صح اخووي الدبلوماسي

وفعلا في هالعالم القوي ياكل الضعيف حرب

وميرسي على المشاركهـ الرائعهـ

والله يعطيكـ العافيهـ يارب

الله يعطيك العااافيه اخوووي

يسلمووو على المووضوووع الرائع

تحياتي لك